Policia e Shtetit më shumë se 24 orë pas ngjarjes përmes një njoftimi për mediat ka sqaruar kronologjinë e plotë të sulmit me armë mbi “Top Channel”.
Si erdhën autorët dhe si u larguan nga vendi i ngjarjes duke djegur makinën në Golem. Makina e përdorur ishte vjedhur në Tale të Lezhës dhe targat në fund të vitit të kaluar në Tiranë.
Policia vendos 100 mijë euro shpërblim për cilindo që jep informacion mbi autorët. Në njoftim nuk jepet asnjë pistë konkrete. Nga breshëria e dy kallashëve dolën 26 plumba, njëri i mori jetën rojës së sigurisë Pal Kola 60-vjeç.
