Mbrëmjen e sotme është regjistruar një ngjarje e rëndë ku si pasojë humbën jetën 2 persona të moshë 43-vjecare.
Pas një sherri mes 2 viktimave situata agravoi deri në përdorimin e armëve të ftohta por edhe të armëve të zjarrit.
Situatë e cila u mori jetën të 2 personave, Edmond Gosës dhe Altin Rexhajt.
Nga dëshmitarët e ndodhur në vendin e ngjarjes u mësua se viktimat kishin debatuar edhe më përpara me njëri tjetrin dhe në momentin e përplasjes së përgjakshme njëri prej tyre kishte edhe vajzën e vogël përdore.
Një dëshmitar tregoi se sherri mes tyre kishte nisur më parë për arsye banale.
“Kanë pasur një herë një sherr koti: “Pse hap sytë” dhe nuk kanë arritur me e mbyllë. Ai malësori ishte me fëmijë në dorë. Altini, janë të ardhur ata dhe po bisedonin. Unë ika pa shkuar tek furgoni vetëm kur kërciti. Fëmija ishte i vogël.
Dëgjova krismën, njëri u shtri këtej tjetri andej. Dëgjova 4 të shtëna, mirë që nuk më kapi ndonjë mua. Ai kavajsi kishte thikë. E mbyti me thikë, kurse ai tjetri me pistoletë,e kishte me vete se kishin bërë debat,” tha ai.
