Kryeministri në mandatin teknik Dritan Abazoviq ka uruar Jakov Milatoviq pas publikimit të rezultateve preliminare për zgjedhjet për president të Malit të Zi.
“Përgëzoj Jakov Milatoviqin për zgjedhjen e tij si presidenti i parë evropian në historinë e Malit të Zi! Misioni u kompletua. Mali i Zi ka një të ardhme të ndritur përpara. Ne do të punojmë së bashku për një shtet evropian, qytetar dhe ekologjik”, ka shkruar Abazoviq në Twitter.
Urimi i Abazoviqit vjen pasi sipas rezultateve preliminare, nga të dhënat e Qendrës për Monitorim dhe Hulumtim (CeMI) tregojnë se kundërkandidati i presidentit të deritanishëm të Malit të Zi ka fituar shumicën e votave, në raundin e dytë të zgjedhjeve.
Čestitam @JakovMilatovic izbor za prvog evropskog predsjednika u istoriji Crne Gore! 🇲🇪🇪🇺 Misija je završena. Pred Crnom Gorom je svijetla budućnost. Radićemo zajedno za evropsku, građansku i ekološku državu!
— Dr Dritan Abazovic (@DritanAbazovic) April 2, 2023
