Një rënie zjarri është regjistruar orët e para të mëngjesit të ditës së sotme pranë vendit të quajtur “Ura e fajancës” në Korçë.
Sipas informacionit të policisë mësohet se rreth 01:10 ka rënë zjarr në automjetin tip “Benz” në pronësi të shtetasit Klodian Cacani. Mësohet se makina ka qenë e parkuar.
Grupi hetimor po punon për zbardhjen e rrethanave të ngjarjes por dyshohet të jetë zjarr vënie e qëllimshme.
Gjatë këqyrjes së kamerave të sigurisë është fiksuar një person që i vë zjarrin mjetit duke i hedhur lëndë djegëse.
Gjithashtu gjatë vënies së zjarrit autori i dyshuar ka marrë dëmtime gjatë vendosjes së zjarrit.
Pavarësisht lëndimeve që pësoi, autori i dyshuar nuk është paraqitur të kërkojë ndihmë në asnjë prej spitaleve të rajonit e juglindjes.
