Fede Valverde përfundon në polici. Mesfushori është denoncuar nga lojtari i Villarealit, Alex Baena i cili u qëllua me grusht në fytyrë në fund të ndeshjes së të shtunës.
Pas ndeshjes uruguaiani i Realit të Madridit e priti rivalin në parkingun e stadiumit dhe në momentin që po hipte në autobus e qëlloi me grusht.
Por përse? “Qaj se fëmija yt nuk do të lindë”! Valverde tha se këtë fjali ia kishte thënë gjatë lojës lojtari kundërshtar dhe për këtë arsye priti fundin e ndeshjes për t’u hakmarrë.
“Lojtari ka vendosur të bëjë denoncimin përkatës ndaj agresorit pranë Policisë Kombëtare.
Edhe një herë, Villarreal CF tregon refuzimin e tij ndaj çdo akti dhune dhe beson fort në versionin e lojtarit të tij, të cilin do ta mbështesë gjatë gjithë këtij procesi”, thuhet në reagim.
Kjo nuk e penalizon lojtarin në aspektin sportiv, por Reali i Madridit dhe vetë lojtari publikisht kanë heshtur
