Sot është mbajtur seanca e paraburgimit për rastin e rëndë që ndodhi dje në Pejë në lagjen “Kapeshnicë” të Pejës ku dyshohet se Urim Hyseni ka vrarë nënën e tij 58-vjeçare.
Zëdhënësi i Prokurorisë Themelore në Pejë, Shkodran Nikçi tha se seancë prokurorja e rastit ka dhënë arsyet pse duhet që i dyshuari të qëndrojë në paraburgim.
“Sot është mbajtur seanca e paraburgimit. Prokuroja e rastit i ka elaboruar arsyet pse i dyshuari duhet të qëndrojë në paraburgim”.
Ai tha se të gjitha veprimet hetimore janë kryer në bashkëpunim me Policinë e Kosovës.
Nikçi tha se meqë është rast shumë i rëndë dhe i ndjeshëm nuk mundet të jepen më shumë detaje.
“Kemi të bëjmë me një rast që i dëmton edhe familjarët e tjerë, duhet të jemi më të rezervuar”, tha ai.
