Gjashtë mandate në krye të bashkisë Maliq nuk mjaftuan. Në fund të mandatit të gjashtë dhe në kërkim të të shtatit radhazi, Gëzim Topçiu ka hapur një tender 580 milionë lekë për riparime rrugës me asfalt dhe çakull në disa fshatra.
Konkretisht në Rëmvec, Zëmblak, Pojan, Orman, Vashtëmi, Podgorie, Sovjan dhe Terovë. Punimet duhet të fillojnë përpara zgjedhjeve dhe afati është për gjashtë muaj, por si cdo punë në Shqipëri, dihet fillimi, por jo mbarimi. Fituese u shpall kompania “Vashtemia SHPK” me 350 milionë lekë pa TVSH.
Tenderi është kapur me dyshime të forta për shkak të skualifikimit të dy operatorëve të tjerë që ishin në garë. Fituesi i këtij tenderi është shpallur pa zhvilluar një garë të mirëfilltë. Megjithatë Topçiu vijon i qetë rrugëtimin drejt mandatit të shtatë.
