Humbje në radhët e shëndetësisë. Infermierja Valdete Dodaj është ndarë nga jeta në moshën 33 vjeçarje pas një sëmundje të rëndë. Lajmin e trishtë e dha Urdhri i Infermierit të Shqipërisë duke i shprehur ngushëllimet familjes.
“U shkëput nga zinxhiri infemieror kolegia jonë e dashur Valdete Gjon Dodaj , 33 vjeçe e cila prej kohësh vuante nga një sëmundje e rëndë. Valdetja lindi në Pukë, përfundoi studimet e larta pranë Fakultetit të Infermierisë, Shkodër dhe ushtroi profesionin e saj si Infermiere pranë ZKM, Tiranë.
Urdhri i Infermierit të Shqipërisë i shpreh ngushëllimet e sinqerta familjarëve,miqëve, kolegëve dhe gjithë të dashurve të saj për këtë humbje të pazëvendësueshme. Qoftë i paharruar kujtimi i saj” mbyllet postimi.
