Kolegji Zgjedhor ka marrë vendimin në lidhje me ankimimin e koalicionit “Bashkë Fitojmë”, në lidhje me çështjen e emrit që duhet të vendoset përbri koalicionit në fletët e votimit për këshillat bashkiake.
Koalicioni ka kërkuar që përbri “Bashkë Fitojmë” të vendoset emri i ish-kryeministrit Sali Berisha, ndërkohë që KAS vendosi që emri që duhej të shkruhet si drejtues i koalicionit, ishte ai i kreut të Partisë së Lirisë, Ilir Meta.
Kolegji Zgjedhor vendosi që emri që do të shkruhet përbri koalicionit do të jetë ai i Ilir Metës.
Kolegji do të shqyrtojë edhe për kërkesë padinë e dytë e cila ka të bëjë me emrin e kryetarit që do të udhëheqë “Bashkë Fitojmë”. Aktualisht, në fletën e votimit është emri i Ilir Metës me vendimin e KAS ndërkohë që pritet të shihet vendimi i Kolegjit nëse do të vendoset ose jo emri i Berishës.
