Enzi Maze, shoku i Aksel Hoxhajt doli sot në gjyq në Tiranë për t’u njohur me masën e sigurisë dhe u la në qeli pa afat.
Avokati kërkoi lirimin e tij duke pretenduar se nuk kishte asnjë lidhje me vrasjen duke ia hedhur fajin shokut, Hoxhaj, që dje u dorëzua vetë.
20-vjeçari u vra për të dashurën! I arrestuari lihet në burg: Më lironi se jam në shkollë
Por çfarë ka dëshmuar vajza, e dashura e 20-vjeçarit Stivën Toshkëzi që u bë “mollë sherri” për ngjarjen e rëndë? Avokati tha se vajza ka deklaruar se Mazen e ka pasur shok shkolle.
“Vajza thotë se e njeh Enzi Mazen dhe se nuk ka pasur asnjë lloj konflikti me të. Vajza thotë se Enzi Mazen e njoh si shok shkolle” tha avokati.
Shkak i sherrit dyshohet se ka qenë ngacmimi që Hoxhaj, i ka bërë vajzës, që ishte e dashura e Stivën Toshkëzit.
