Mediat greke i kanë bërë jehonë vrasjes brutale një javë më parë të biznesmenit Ardian Nikulaj në Shëngjin. Autori ende është në arrati dhe një pistë konkrete nuk ka edhe pse balanca anon më shumë nga gjakmarrja.
“Në Shqipërinë fqinje po ndjekin zhvillimet që kanë pasuar vrasjen gjakftohtë të një biznesmeni dhe kandidati për këshilltar bashkiak të Lezhës, në veriperëndim të vendit.
Veçanërisht mizore është video që qarkullon në internet nga kamerat e sigurisë së lokalit, e cila ka “kapur” momentin e vrasjes gjakftohtë.
E gjithë ngjarja ka ndodhur në 13 sekonda, ndërsa një partner i viktimës që ndodhej në vendngjarje ka vrapuar në panik për t’i shpëtuar të shtënave me armë, ndërsa pas ekzekutimit autori ka hipur në motoçikletë dhe është zhdukur” shkruan “Protothema”.
Në sfondin e videos dëgjon të qarat dhe britmat e familjarëve të biznesmenit që u ekzekutua.
Spiuni fjeti në hotelin e biznesmenit? Del pista e re për vrasjen në Shëngjin
