Nënshkrime të parregullta, certifikata të dyshimta mjekësore dhe një adresë false janë disa nga elementët që Dritan Rexhepi përdori për t’iu shmangur autoriteteve ekuadoriane, për të mos kryer dënimin dhe për të shmangur ekstradimin.
“Mbreti i kokainës”, siç njihet shqiptari Dritan Rexhepi , i njohur ndryshe si Lulezim Murataj, ka përdorur mekanizma të ndryshëm për t’iu shmangur autoriteteve ekuadoriane dhe për t’u arratisur nga vendi, sipas informacioneve jozyrtare.
Disa dokumente të gjykatës italiane e identifikuan Rexhepin, tani 42 vjeç, si ” mbreti i padiskutueshëm ” me akses në “sasi të pafundme kokaine” nga Kompania Bello, një kartel i përbërë nga 14 banda kriminale shqiptare të përfshira në trafikun e drogës.
Infobae, si dhe disa media anglo-saksone, në nëntor të vitit 2022 dhe në mars të këtij viti njoftuan se Rexhepi nuk ishte më në Ekuador dhe se dikush kishte firmosur për të në të dhënat pranë organit kompetent.
Nënshkrime të parregullta dhe arsyetime mjekësore
Kur Rexhepi kërkoi lirimin paraprak, ai argumentoi se vuante nga lupus eritematoz sistemik, një sëmundje e pashërueshme dhe inflamatore në të cilën sistemi imunitar sulmon indet e veta dhe prek nyjet, lëkurën, veshkat, qelizat e gjakut, trurin, zemrën dhe mushkëritë.
Sipas të dhënave të rastit, Rexhepi nuk ka mundur t’i qaset kujdesit apo mjekimit të nevojshëm për sëmundjen e tij në burg.
Në vendimin e tij, gjyqtari Poma kërkoi që të ndiqen disa masa për të mos lejuar që Rexhepi i cilësuar si “mbreti i arratisjeve” t’i shpëtojë radarit të autoriteteve.
Sipas një letre të dërguar nga drejtori i IEVP-së, Edwin Escobar, Rexhepi në dy vite paralirim do të ishte paraqitur 22 herë në shtëpinë e besimit dhe 14 herë ka arsyetuar mungesën e tij.
