Qeveria ka miratuar sot vendimin që u lejon qytetarëve që të votojnë në 14 Maj edhe nëse karta e tyre e identitetit ka skaduar. Këtë e njoftoi ministri i Brendshëm, Bledi Çuçi. “Kujt i ka skaduar karta e identitetit do të lejohet që të votojë në 14 Maj” tha ai.
Më tej, Çuçi la një “shteg” hapur për uljen e çmimit të kartave të identitetit pasi të skadojë në korrik marrëveshja me kompaninë “Aleat” dhe të kalojë në dorën e qeverisë.
“Ne do të përfundojmë kontratën me Aleat pastaj vendosja e çmimit pasi të marrim në administrim kompaninë, çështja e çmimit, është më fleksibël për ta vendosur, ndryshe nga më parë kur vendosej me ligj dhe duhet të negocioje me kompaninë. Pa diskutim për kartat e identitetit do të shikojmë lehtësimin në maksimum” tha ai.
