Edomond Haxhia është porositësi dhe financuesi i vrasjes së biznesmenit Ardian Nikulaj në lokalin e tij në Shëngjin më 19 prill. Policia ditën e djeshme njoftoi se shkak për vrasjen ishte bërë gjakmarrja.
Edhe pse kishin kaluar disa vite nga konflikti mes fisit Lekstakaj dhe Nikulaj, dëshira për të larë gjakun nuk u harrua. Hakun e mori nipi i familjes Edmond Haxhia, i cili ishte larguar nga Shqipëria që në moshë të vogël.
Planet për vrasjen kanë nisur që prej muajit nëntor të vitit të kaluar kur hasmi i tij Edmond Haxhia, i dyshuar si porositës i krimit u kthye në Shqipëri nga Londra.
Më 14 shkurt Haxhia ka udhëtuar nga Shkodra në Rinas ku ka pritur vrasësin portugez Ruben Saraiva. Ai e ka transportuar në drejtim të Shkodrës, ku ka marrë një shtëpi me qira dhe ka pritur deri ditën kur ka ekzekutuar Nikulajt.
Haxhia ka pritur dhe shtetasit anglezë Thomas Mithan, Steven Hunt dhe Harriet Bridgeman dhe më vonë Harry Simson, i cili është larguar më 19 prill pak orë pas ekzekutimit të Nikulajt.
Anglezët nën kamuflimin e turistit kanë hyrë dhe kanë dalë nga Shqipëria për të shmangur dyshimet. Baza logjistike është një tjetër pikë e rëndësishme. Motori, qëndrimi në hotel për tre muaj, makinat e marra me qira, veshjet, arma dhe gjithçka tjetër.
“E bleva unë”! E dashura e “trurit” të vrasjes: Lëvizjet e portugezit dhe bishti i cigares
Në kërkim nga policia dhe skema e vrasjes së Ardian Nikulajt;
Edmond Haxhia, shqiptaro-britanik (porositësi dhe financuesi i atentatit)
Ruben Saraiva (ekzekutori portugez)
Harry Simson, britanik
Harriet Bridgeman, britanike
Thomas Mithan, britanik
Steven Hunt, britanik (shfaqet në kamerat e sigurisë teksa vëzhgon lëvizjet e Nikulajt)
