Gjatë 12 orëve të fundit, Policia Kufitare ka zbuluar dy raste të tjera të mosdeklarimit të të hollave.
Sekuestrohen 94.000 dollarë amerikanë. Procedohen penalisht dy libianë. Si rezultat i kontrolleve kanë kaluar në vijën e dytë për kontroll të detajuar dy libianë K. A. 55 vjeç dhe M. M. 49 vjeç.
Gjate kontrollit fizik, në çantën e dorës të K. A. shërbimet e Policisë Kufitare gjetën dhe sekuestruan në cilësinë e provës materiale, shumen prej 45.900 dollarësh amerikanë. Ndërsa M. M. shërbimet e Policisë i gjetën dhe i sekuestruan shumën prej 48.100 dollarësh amerikanë.
Më herët, Policia Kufitare e Rinasit sekuestroi 47 450 euro dhe procedoi penalisht 2 turq që nuk i deklaruan në kufi, siç përcaktohet në ligj.