E ndërsa organizatori dhe tre nga spiunët u kapën në Angli, një tjetër vëzhgues britanik dhe vrasësi i biznesmenit shqiptar në Lezhë, Ardian Nikulaj akoma janë në arrati.
Pas ekzekutimit, portugezi Ruben Saraiva kaloi përmes Kapshticës në Greqi, aty ku ka dyshime se ende fshihet.
Nga të dhënat e deri tanishme të policisë së shtetit, rezulton se Saraiva nuk ka dalë zyrtarisht nga territori i Greqisë prej datës 20 prill, kur hyri nëpërmjet doganës.
Ai u largua bashkë me anglezin Harry Simson dhe të dy vazhdojnë të jenë ende në kërkim.
Policia shqiptare po shkëmben informacion edhe me autoritetet portugeze dhe ato britanike për të lokalizuar dhe arrestuar dy personat e shpallur në kërkim.
