Organizatori i vrasjes së biznesmenit Ardian Nikulaj dhe tre nga spiunët u aratuan në Londër dhe pritet që të datë 5 Maj të vendoset për fatin e ekstradimit të tyre.
Ekzekutori dhe një prej vëzhguesve janë në kërkim. Ndërkohë që “Daily Mail” ka zbuluar detaje të reja nga vrasja në Lezhë. Media britanike shkruan se vrasja e biznesmenit ka ardhur si pasojë e mosmarrëveshjes mbi 80 mijë paund mes dy familjeve Lekstakaj dhe Nikulaj.
“O Edi Rama…”! Del video e fundit e portugezit që vrau biznesmenin në Lezhë
Tre të akuzuarve, konkretisht 37-vjeçarit Edmond Haxhia, 49-vjeçarit Steven Hunt dhe 35-vjeçarit, Thomas Mathin iu caktua masa e paraburgimit, pasi akuzohen për atentatin e 19 prillit ndaj 51-vjeçarit Ardian Nikulaj në lokalin e tij, në Shëngjin.
Hunt, Haxhia dhe Mathin janë arrestuar në Britani nga policia mëngjesin e të shtunës (29 prill) dhe pak pas arrestimit të tyre, policia ka vënë në pranga edhe gruan britanike Harriet Bridgeman, 28 vjeç, në lidhje me vrasjen. Ndërkohë në kërkim mbeten Ruben Saraiva, shtetas portugez, i dyshuar si ekzekutori dhe Harry Simson, shtetas britanik.
