Në Ditën Botërore të Lirisë së Shtypit, Ambasadorja Amerikane në Tiranë, Yuri Kim priti në një takim në seli një grup gazetarësh dhe u shpreh se një shtyp i lirë dhe i pavarur është thelbësor për demokracinë.
“Për të shënuar Ditën Botërore të Lirisë së Shtypit, ambasadorja Yuri Kim priti një grup gazetarësh dhe përfaqësues OJQ-sh që punojnë për çështjet e medias në Shqipëri. Ajo theksoi se një shtyp i lirë dhe i pavarur është thelbësor për demokracinë dhe se është e rëndësishme që gazetarët të bëjnë pyetje të vështira.
Indeksi i Lirisë së Shtypit, “Gazetarët pa kufij”: Shqipëria mes vendeve problematike!
Ajo i nxiti që t’i përcjellin brezit të ri të gazetarëve mësimet që kanë marrë për të qenë të fortë dhe të guximshëm. “Shpresoj se nuk do ta nënvlerësoni kurrë rëndësinë e asaj që po bëni. Shpresoj se do të vazhdoni të bëni atë që po bëni”, u tha gazetarëve ambasadorja Kim.
Pjesëmarrësit diskutuan sfidat me të cilat përballen, duke përfshirë mungesën e qasjes në informacion, pasigurinë në punë dhe mungesën e transparencës financiare nga institucionet publike dhe organizatat mediatike” shkruan ambasada amerikane në Tiranë.
