Nuk ka liri nga burgu. Gjykata e Tiranës vendosi sot masën e sigurisë “arrest me burg” për baba e bir për mashtrim. Bedri dhe Albert Vodha 54 dhe 24 vjeç në bashkëpunim me Florian Gjergji, akuzohen se u prezantoheshin biznesmenëve në rrjetet sociale si zyrtarë dhe me anë të mashtrimit u merrnin shuma të konsiderueshme parash.
Florian Gjergji, organizatori i kësaj veprimtarie kriminale është shpallur në kërkim nga policia. Gjithashtu dyshohet se këta 3 shtetas janë autorë edhe të një rasti tjetër të ngjashëm, të ndodhur në muajin mars të këtij viti, në Tiranë, ku me anë të mashtrimit, duke u prezantuar si zyrtarë të lartë, i kanë marrë një shumë të madhe parash një biznesmeni.
