“5Pyetjet.al” publikon pamjet e aksidentit që ndodhi sot në aksin rrugor “Korçë-Pogradec”, pranë fshatit Vloçisht, Maliq, rreth orës 13:00, ku një kamion është përplasur me një autobus.
Drejtuesi i autobusit tip “Benz” G. M. ka mbetur i bllokuar por me ndërhyrjen e forcave zjarrfikëse u bë e mundur nxjerrja e tij nga mjeti dhe po transportohet për ndihmë mjekësore, në spitalin e Korçës.
Ndërsa shoferi i kamionit tip “Volvo” me drejtues V. M., është në gjendje të mirë shëndetësore dhe po kryhen veprimet e mëtejshme procedurale.
