Himara është një nga “qendrat e nxehta” këto zgjedhje. Një nga dy kandidatët në garë, Fredi Beleri është në burg. Megjithatë votimi vazhdon normalisht, por kreu i PDBNJ-së, Vangjel Dule bëri denoncime të forta nga Himara.
“Po ushtrohet presion, po ofron lekë në këmbim të marrjes së kartave të identitetit. Duke ushtruar presion përpara hyrjes së qendrave të votimit. Tentojmë të komunikojmë me policinë, por pa sukses.
Në shumicën e qendrave nuk ka prani policore. Është detyrim që të jenë të pranishëm. Grupe të fortësh me makina luksoze kërcënojnë qytetarët se po fotografohen.
Policia duhet të gjurmojë. Punonjësit e Kadastrës po bëjnë presion për votuesit duke u thënë se nuk do të marrin zgjidhje nëse nuk votojnë” tha ai.
Por a ka ai prova? “Unë nuk jam policia, nuk mbaj as kamera dhe as mikrofon me vete. Denoncoj atë që konstatoj. Edi Rama që rrëmbeu kandidatin tonë është pas kësaj” tha ai.
