Procesi i votimit u mbyll dhe në pritje të nisjes së numërimit, Sali Berisha, drejtuesi i koalicionit “Bashkë Fitojmë” doli në një konferencë për mediat duke vlerësuar pjesëmarrjen. Ai e cilësoi këtë ditë si historike.
“Kjo është një ditë e historisë sonë. Qytetarët votuan në qendrat e votimit në kushtet më të jashtëzakonshme. U ngritën mbi çdo gjë dhe folën me votën e tyre. Folën në mënyrën më të civilizuar. Me guxim. Me vendosmëri.
Ata kapërcyen mbi konglomeratin e bandave dhe oligarkëve. Guxim dhe vendosmëria ishte epike. Pjesëmarrja ka qenë jo ajo që duhet ta zvogëlojnë të dëshpëruarit. Ishte ndër më të denjat. Unë kam vlerësimin më të lartë, mirënjohjen të të gjithë atyre të rejave, burrave dhe grave që qëndruan në krye të përgjegjësisë në komisionet e votimit” tha ai.
