Gjykata e Posaçme ka dënuar me 2 vite burg ish kreun e Kadastrës së Sarandë, Leart Pashën i cili akuzohet se merrte 3 mijë euro ryshfet për të shpërndarë certifikata pronësie. Gjithashtu me 2 vite burg është dënuar Saimir Braho, ish punonjës i Kadastrës.
Ish-shoferi në Drejtorinë e Burgjeve, Hamza Tola është dënuar me 2.3 vite burg. Ai u akuzua nga SPAK se merrte para duke u premtuar personave të ndryshëm se do t’u mbaronte punë, pasi kishte akses dhe njohje në shtet.
Tola u ndalua pas denoncimeve në një emisionin investigativ, ku ai i mori 3 mijë euro një qytetari për legalizimin e një hoteli në qytetin e Sarandës.
Ai u kishte premtuar edhe personave të tjerë për legalizime objektesh, pasi pretendonte kishte lidhje të forta në hipotekën e Sarandës. Për sekserin Jorgo Kreku GJKKO ka vendosur një vit shërbim prove.
Pronari i hotelit në Sarandë, Kastriot Kreu i cili tentoi të korruptonte me 3 mijë euro zyrtarët për marrjen e certifikatës së pronësisë, është dënuar me 16 muaj shërbim prove.
