Deputeti i PD-së, Edi Paloka në hyrje të parlamentit në nisje të seancës së sotme u shpreh se Sali Berisha nuk duhet të largohet edhe pas humbjes së thellë.
“Po iku Berisha, PD do të shkalafitet fare. Ju thoni hajde ti japim edhe një dorë Ramës dhe të gjithë, nga ne të parët marrim rrugët.
Alibeaj nuk ka pasur ndonjë post që të japë dorëheqjen. Një mision që kishte marrë e çoi deri në fund. Fillimisht vendosjani gishtin hajdutit, pasi thoni si do ta zgjidhim këtë punë” tha ai.
Paloka vazhdoi më tej. “Edhe në diktatura ka njerëz që mendojnë si do ta rrëzojmë. I kanë bërë atentate Hitlerit për ta përmbysur, kanë bërë rezolucione në vende të tjera.
Ne jemi në këtë regjim putinist, me një palaço të vendosë diktaturën në këtë vend. Ja ikën ne, por kush është zgjidhja? Cila është?”.
A keni sinjale pajtimi nga pala tjetër? “Sigurisht që do të bëjmë cdo gjë që kemi në dorë. Nëse vazhdohet me këtë frymë dhe gishti i drejtohet viktimës, aty kemi mbaruar të gjithë” tha Paloka.
