Mali Etna, një nga vullkanet më aktivë në botë filloi të nxjerrë hi dhe tym sot, duke detyruar autoritetet siciliane të mbyllin aeroportin e Katanias.
“Për shkak të aktivitetit të Etna-s dhe sasisë së madhe të hirit vullkanik që ka rënë në aeroport, fluturimet janë pezulluar derisa të lejojnë sërish kushtet”, tha menaxhmenti i aeroportit.
Pamjet e transmetuara nga mediat italiane tregojnë makina në Catania të mbuluara me një shtresë pluhuri gri.
Në zonën më të gjerë, që nga mëngjesi i së dielës janë dëgjuar goditje të forta, shkruan gazeta Repubblica.
Mali Etna, i cili arrin 3324 metra lartësi, është vullkani më aktiv në Evropë. Ai është aktivizuar dhe shpërtheu shumë herë gjatë 500,000 viteve të fundit.
Mali Etna, i cili arrin 3324 metra lartësi, është vullkani më aktiv në Evropë. Ai është aktivizuar dhe shpërtheu shumë herë gjatë 500,000 viteve të fundit.
Vitin e kaluar, rreth 10 milionë pasagjerë kaluan përmes Aeroportit Ndërkombëtar të Katanias, i cili i shërben pjesës lindore të Siçilisë, një nga destinacionet turistike më të njohura në Itali.
