Sheshi “Nënë Tereza” në Tiranë sot u kthye në një arenë force dhe mbështetje. Shqipëria pret për herë të dytë stërvitjen më të madhe ushtarake në Evropë, “Defender Europe 23”. Stërvitja do demonstrojë aftësinë e ushtrisë amerikane për të vendosur me shpejtësi trupa dhe armatim luftarakë në territorin evropian.
“Defender 23” drejtohet nga Komanda e ushtrisë Amerikane në Europë (USAEUR) në të do të demonstrohen aftësitë ndërvepruese të Shteteve të Bashkuara me ushtritë aleate dhe partnere të NATO-s me pjesëmarrjen e 7000 ushtarakë amerikanë, si dhe 17.000 trupave nga 20 vende anëtare dhe partnere të NATO-s si dhe do te shtrihet ne në Shqipëri, Bullgari, Kroaci, Kosovë, Mal të Zi, Maqedoninë e Veriut dhe Slloveni.
“Amerikanë dhe shqiptarë, dikur të ndarë, tani aleatë të NATO-s qëndrojnë krah për krah dhe partnerë ushtarakë. Nuk mund të mos kujtoj fjalët e Skënderbeut, “Bashkimi bën fuqinë” u shpreh ambasadorja amerikane në Tiranë, Yuri Kim.
