Të afërmit e Saimir Sula të mbështetur edhe shoqta e LGBT, këtë të martë kanë dalë në protestë përpara kryeministrisë.
Në 8 maj, familjarët e Sulës protestuan edhe para Parlamentit Europian në Bruksel.
Në protestën e sotme, familjarët kanë mbajtur banderola dhe pankarta në duar ku shkruhej “ADN urgjent”, duke i kërkuar edhe ministrit të Drejtësisë, Ulsi Manja dhe kryeministrit, Edi Rama që të angazhohen për zgjidhjen e ‘misterit’ të zemrës së Saimir Sulës.
Çfarë ka ndodhur me Sajmir Sulën?
Saimir Sula ka hyrë në Spitalin del Mar ( Barcelona ) pasi kishte temperaturë dhe shkoi të bënte një test covid, i cili doli negativ. Ata e futën brenda, ndërsa motra e tij qëndronte jashtë në pritje të rezultateve. 18 orë më vonë, ekipi mjekësor në spital thirri Majlindën për t’i thënë se vëllai i saj kishte vdekur.
Vdekja e çuditshme u pasua nga një sërë misteresh që familja e viktimës ende nuk i ka sqaruar. E para është se, sipas motrës së të ndjerit, kanë tentuar ta djegin trupin në kohë rekord. Majlinda nuk pranoi sepse pa mavijosje në trupin e vëllait të saj dhe kërkoi që kufoma do të transferohej në Shqipëri , vendlindja e saj, ku do të kërkonte një autopsi të dytë. Arkivoli mbërriti në Tiranë dhe u krye testi i dytë. Ekipi që e kreu atë lëshoi një raport duke siguruar se trupi kishte mbërritur pa zemër.
