Është arrestuar një 41-vjeçare nga Tetova pasi mashtronte në lidhje me premtimin për viza pune në Gjermani.
Lajmin e kanë përcjellë mediat maqedonase, të cilat bëjnë me dije se gjatë vitit 2022, gruaja ka zhvilluar takime me dy persona nga Gostivari dhe u ka marrë këtyre të fundit nga 1 000 euro, me pretekstin se mund të ndërmjetësojë për të marrë viza pune për në Gjermani.
41-vjeçarja jo vetëm që i ka mashtruar duke mos i pajisur me viza, por nuk u ka kthyer edhe paratë. Pas denoncimit nga ana e të dëmtuarve, 41-vjeçarja është arrestuar.
