Një anije me kontejnerë u bllokua në Kanalin e Suezit në Egjipt. BBC raporton se anija me flamurin e Hong Kongut është zhvendosur, pasi 3 rimorkiatorë egjiptianë punuan për ta çliruar atë.
Anija e quajtur “Xin Hai Tong 23” u bllokua pranë skajit jugor të kanalit, i pozicionuar në një kënd pranë anës lindore të kanalit, sipas gjurmuesit të anijes Marine Traffic. Gjurmuesi tregoi gjithashtu se kishte tre rimorkiatorë egjiptianë që rrethonin anijen.
Vitin e kaluar, një cisternë nafte, e cila mbeti e bllokuar për pak kohë në kanal pas një defekti në timonin e saj, u zhvendos me rimorkiatorë. Ndërsa në mars të këtij viti, prishja e një anijeje kontejneri në kanal shkaktoi vonesa të vogla.
Kujtojmë se dy vjet më parë, Kanali i Suezit, një nga rrugët ujore më të ngarkuara në botë, ishte i pakalueshëm për gati një javë ,pasi një anije gjigante me kontejnerë u bllokua.
Ever Given, një nga anijet më të mëdha të kontejnerëve në botë, bllokoi kanalin për gjashtë ditë në 2021, duke ndërprerë tregtinë globale.
