Një incident është regjistruar pasditen e sotme në Londër pasi një makinë u përplas me portën e përparme të Downing Street, ku ndodhet rezidenca e kryeministrit.
Ende nuk dihet nëse akti ka lidhje me terrorizmin, ndërsa detajet e drejtuesit të mjetit nuk janë bërë ende të ditura.
Sipas policisë, nuk ka të lënduar, ndërsa në orët e vona të pasdites alarmi ka përfunduar dhe rrugët janë hapur.
Shoferi u arrestua nën dyshimin për veprimtari kriminale.
Për shkak të emergjencës rrugët janë bllokuar përkohësisht ndërsa hetimet janë ende në vijim. Ngjarja ka ndodhur në orën 16:20 me orën britanike.
