Ambasadorja e Francës në Tiranë, Elisabeth Barsacq u shpreh se dy nismat e qeverisë, “pasaportat e arta” që për momentin është pezulluar dhe amnistia fiskale janë dy çështje shumë të rëndësishme. Diplomatja kërkoi transparencë. Ajo theksoi se “djalli” fshihet në detaje.
“Do të doja të thosha që kur shikoni titullin thoni “o perëndi kjo është çështje shumë teknike”. Por gjithçka është politike. Kolegu im holandez e tha, ne jemi në shtegun e procesit me BE. “Djalli” fshihet në detaje.
Ka disa çështje teknike që janë të vështirë, por duhet t’i kalojmë të gjitha për të pasur transparencë, si për pasaportat e arta. Këto dy tema janë shumë të rëndësishme, e para është e pezulluar, por është me shumë risk.
Qytetarët shqiptarë kanë të drejtë të dinë përse është pezulluar dhe përse është e rëndësishme, të jemi jashtë listës gri të “pastrimit të parave”” tha ambasadorja gjatë një tryeze të iniciuar nga Komiteti Shqiptar i Helsinkit.
