Avokati i Saimir Tahirit, Maks Haxhia ka shpjeguar për herë të parë arsyet e lirimit të Saimir Tahirit nga burgu. Ai tha sot për mediat, se ish-ministri ka gruan sëmurë dhe nuk ka tjetër kush kujdeset për fëmijët e mitur. Gjithashtu listoi edhe kushte të tjera që sipas tij plotësohen.
“Për lirimin plotësohen pesë kushte; Nuk ka rrezikshmëri shoqërore, i kanë ngelur më pak se dy vjet, 1 vite e 7 muaj, ka të mitur në ngarkim, bashkëshortja vuan nga një sëmundje që kur e kapin krizat, nuk iu shërben fëmijëve.
U dënua për shpërdorim detyre, që gjasat janë që me ndryshimet të hiqet si vepër penale. Ka rrezikshmëri shoqërore të ulët. Fëmijët e mitur. Ka dy. bashkëshortja është në pamundësi shëndetësore.
Kur e kapin krizat, është në pamundësi për t’u shërbyer fëmijëve. Tre ekspertë panë gjendjen shëndetësore të gruas. Gjykata pas pesë muajve e ca i ka shqyrtuar dhe ka arritur në konkluzion dhe përfundimisht u dha vendimi” tha ai.
Sot doli nga qelia, por sa vite burg i kanë ngelur Tahirit dhe ku do ta vuajë?
