Einxhel Shkira dhe Beniada Nishani kanë rregulluar raportet e tyre dhe ndoshta mund të jenë sërish shoqe të ngushta.
Përmes një videoje në Instagram, Einxhel ka treguar se modelja i ka dërguar një dhuratë duke shkruar se “Ja si ta merr kalanë nga brenda. Faleminderit, amore”.
Dy vajzat patën një marrëdhënie shumë të ngushtë në “Big Brother VIP 1”. Por, raporti i tyre u ftoh pas daljes. Të dyja kanë deklaruar se nuk kanë asgjë me njëra-tjetrën, por raporti nuk funksionoi si brenda shtëpisë së njohur.
Einxhel ka deklaruar se nuk ka pasur një debat ballë për ballë, por të dyja kanë evituar të flasin drejtpërdrejtë për situatën.
Kurse Beniada ka thënë se miqësia që ato krijuan brenda shtëpisë ishte shumë e bukur, por ndodh që ndonjëherë të krijohen keqkuptime dhe raporti të kriset.
