Dasma e Klea Hutës dhe Elgit Dodës ka qenë kryefjala e kësaj jave. Dyshja kurorëzuan dashurinë në jug të vendit ne një ceremoni që përfshiu të gjithë me videot dhe pamjet që u ndanë në rrjetet sociale.
Por, si duket jo të gjithëve ju paska pëlqyer dasma e moderatores dhe këtë ja kanë thënë “direkt” Kleas.
Huta ka ndarë në rrjetet e saj sociale një mesazh shumë të çuditshëm që i ka ardhur në llogarinë e saj në Instagram: “Çift shumë bosh. Sikur e imponoje këtë qypin për çdo gjë. Një dasmë e shpifur dhe shumë e stisur.”
E një reagim për këtë nuk ka munguar edhe nga ana e aktores:
“Të drejtë ke moj motër. Nuk e ke idenë sa jemi lodhur duke u shtirur. Po rrofsh që e vure re se thashë çne. Duhej kjo duhej.”
