Policia e Tiranës ka nisur procedimin penal në gjendje të lirë për dy persona (faturino dhe shofer i një linje autobusi) të cilët kanë dhunua një shtetas tjetër. Reagimi i policisë erdhi pas pamjeve të publikuara në mediat sociale.
Shtetasit B. S., (faturino i autobusit) dhe S. S., (shoferi i autobusit) ditën e djeshme për motive të dobëta kanë goditur S. R. 43 vjeç, sqaron policia.
Në vijim të veprimeve u referuan materialet në Prokurori ku filloi procedimi penal në gjendje të lirë për dy autorët e dyshuar, për veprën penale “Dëmtime të tjera me dashje”.
