La një sasi lënde plasëse (tritol) në oborrin e banesës së një 46-vjeçari gjatë natës dhe më pas njoftoi policinë për të fajësuar personin që i ngriti kurthin, por në fund 44-vjeçari u arrestua vetë.
Sipas policisë 44-vjeçari S. M. banues në Prezë e la lëndën plasëse në banesën e 46-vjeçarit dhe më pas njoftoi policinë me qëllim që pronari i banesës të ngarkohej me përgjegjësi penale për mbajtje të lëndës eksplozive.
Policia ka publikuar edhe pamjet e momentit kur 44-vjeçari lë tritolin në shtëpinë e 46-vjeçarit. Sekuestrohen dy kallëpe me tritol, së bashku me fitilin ndezës, dy detonatorë dhe veshjet që ka mbajtur autori gjatë vendosjes së lëndës eksplozive.
