Ministri i Jashtëm, Bledi Çuçi dhe drejtori i policisë së shtetit, Muhamet Rrumbullaku kanë dalë në një konferencë për mediat për të sqaruar operacionin e policisë në kampin e MEK ditën e sotme.
Rrumbullaku tha se policia nuk ka ushtruar dhunë ndaj muxhahedinëve, përkundrazi këto të fundit kanë plagosur rreth 15 policë.
“Atëherë më lejoni t’ju informoj në lidhje me masat t e marra nga policia e shtetit për kontrollit në kampin MEK.
Me marrjen e vendimit të gjykatës unë kamë dërguar shkresë në të gjitha drejtoritë. Ne kemi thirrur në takim drejtuesit kryesore në MEK, ku i janë sqaruar qëllimet e operacionit në kampin MEK.
Kemi gjetur mirëkuptimin e tyre në fillim të operacionit. Së bashku bashkë me drejtuesit dhe forcat policore jemi futur në ambient.
Në kontrolle u evidentuan, u sekuestruan rreth 17 objekte kompjuterike, gjë e cila solli reagimin ekstrem të MEK. Kemi përdorur vetëm spraj individual, ndërkohë janë lënduar 15 efektivë policie.”, tha Rrumbullaku.
