Partizani ka bërë një blerje me potencial për të ardhmen. Me Zoran Zekic në stol të kuqtë kanë nisur të lëvizin në tregun e transferimeve. “Demat” kanë bërë zyrtar afrimin e Adnard Mehmetit, futbollistit 22-vjeçar që spikati me Erzenin sezonin e fundit.
“Partizani njofton afrimin e Adnard Mehmetit. Mesfushori kosovar është përforcimi më i ri i kampionëve të Shqipërisë.
Klubi dhe lojtari kanë nënshkruar një kontratë 4 vjeçare me opsion rinovimi edhe për një tjetër sezon.
22 vjeçari bashkohet me të kuqtë pas eksperiencës shumë pozitive te Erzeni, skuadër me të cilën regjistroi edhe 34 ndeshje” shkruan klubi i kuq.
