Arbana Osmani dhe Eduart Grishaj celebruan disa ditë më parë dashurinë e tyre në martesë.
Çifti të cilët zgjodhën ta organizonin dasmën në Toskana të Italisë, e kurorëzuan lidhjen e tyre me një ceremoni private pranë familjarëve dhe miqve të ngushtë.
Dhe një ndër kushtet që u vendos në dasmë ishte që të ftuarit të mos publikonin asgjë nga ceremonia duke ruajtur kështu privatësinë.
E teksa të gjithë presin foto apo video të dasmës, Arbana ndau me ndjekësit disa momente të veçanta për organizimin e dasmës por nuk zbuloi asnjë detaj më shumë.
E duket se për këtë vendim të çiftit disa prej fansave të moderatores nuk e kanë pëlqyer aspak, madje ata janë shprehur se ndihen “të zhgënjyer”.
Arbana ka publikuar së fundmi një foto nga muaji i mjaltit të cilin po e kalon në Dolomites, dhe në sektorin e komenteve dikush shkroi:
“Zhgënjim total për të gjithë ata që të ndoqën e përkrahën në këto vite, uroj të jesh mirë”, koment i cili i ra në sy moderatores dhe nuk mungoi pa një përgjigje:
“Ata që më duan, më kuptojnë”– ia ktheu ajo.
