Kombëtarja e Gjermanisë U-21 largohet nga Euro 2023 me një bolanc katastrofik pa asnjë fitore në 3 ndeshjet e grupit ku barazoi fillimisht ndaj Izraelit por u mund nga Republika Çeke dhe sot regjistroi një disfatë tjetër ndaj Anglisë që kaloi në fazën tjetër si e para e grupit.
Në stadiumin e Batumit nuk pati histori për skuadrën e Di Salvos që u dorëzua pa kushte duke reflektuar krizën e futbollit gjerman në tërësi.
Pa Moukoko, Gjermania nuk arriti të bënte shumë dhe ky eleminim është një goditje e rëndë pas 3 finaleve të arritura në 6 pjesëmarrjet e fundit në europian.
Bashkë me Anglinë që regjistroi pikë të plota në grupin C, u kualifikua edhe Izraeli që kaloi 1-0 Republikën Çeke me një gol në minutën e 82 dhe në fazën tjetër do të sfidojnë Gjeorgjinë.
