Qeveria e Kosovës në mbledhjen e së enjtes ka shpallur organizatat serbe “Mbrojtja Civile” (Civilna Zashtita) dhe “Brigada e Veriut” (Severna Brigada) si organizata terroriste.
Këtë organizata operojnë në pjesën veriore të vendit të cilat janë të banuar me shumicë serbe.
Kryeministri i Kosovës, Albin Kurti u shpreh se këto 2 organizata paraqesin kërcënim serioz për rendin kushtetues dhe sigurinë në Kosovë.
“Bazuar në vlerësimin e institucioneve të sigurisë, këto formacione ilegale paraqesin kërcënim serioz për rendin kushtetues dhe sigurinë në Kosovë.
Për këtë e nisur nga fakti se kërcënimi ndaj rendit juridik e kushtetues ndaj vendit tonë është i pakompromis e duke pasur për qëllim mbrojtjen e të gjithë qytetarëve pa dallim, ‘Mbrojtja Civile’ dhe ‘Brigada e Veriut’ shpallen organizata terroriste”, u shpreh ai.
Në mbledhjen e sotme të Qeverisë, të gjitha ministrat kanë votuar pro një vendimi të tillë, me përjashtim të atij të Komuniteteve dhe Kthim, Nenad Rashiç i cili votoi kundër.
