Një aventurë e paimagjinueshme ka ndodhur me një kuzhinier të ri në Kretë, i cili ka pësuar djegie nga vaji i nxehtë që i ka rënë në trup gjatë punës në një kuzhinë hoteli.
Pjesa e frikshme e rastit është se drejtuesit e hotelit, në vend që ta çojnë menjëherë në spital, siç duhet, e kanë futur në një vend ku e ruajnë mishin e gjallë, pasi ka qenë… i pasiguruar.
Aksidenti në punë ka ndodhur kur 22-vjeçari Vangelis mbante në dorë një tenxhere me vaj të nxehtë që i është derdhur dhe i ka shkaktuar djegie të rënda në fytyrë dhe duar.
Sipas denoncimit të të riut, në reportazhin e Star news, kur i është derdhur tenxherja kolegët e tij e kanë lënë të pafuqishëm.
“Kam dhimbje të padurueshme si në duar ashtu edhe në fytyrë. Ndonjëherë natën kur fle është intensive dhe nuk po flasim për ujë të vluar, po flasim për vaj të nxehtë”, tha kuzhinieri i ri për Star.
Nëna e tij ankohet se deri në njoftimin e mjekut të akomodimit, e kanë futur në një dhomë me mish të gjallë, gjoja për të ulur dhimbjet e padurueshme nga djegiet.
“Kur fëmija im u dogj, ai po bërtiste për ndihmë për të më çuar në spital. Përgjegjësit i thanë se do të kujdesemi dhe e çuan në dhomën me kondicioner dhe mish të gjallë”, tha nëna.
