Konsullata e SHBA-së në Jeddah të Arabisë Saudite është sulmuar me armë nga një person që hapi zjarr dhe për pasojë ka ndërruar jetë roja i këtij institucioni. Lajmi u bë i ditur nga Agjencia Saudite e Shtypit të mërkurën në mbrëmje.
Mësohet se nga shkëmbimi i zjarrit me forcat e sigurisë, është goditur për vdekje edhe agresori.
Sipas mediave të huaja, një individ i paidentifikuar ndaloi makinën pranë godinës diplomatike amerikane dhe doli duke mbajtur një armë zjarri përpara se forcat e sigurisë të kishin mundësi për ta parandaluar.
Ndërkohë, plumbave nuk iu shpëtoi as një roje nga Nepali, që humbi jetën në spital.
Aktualisht po vijojnë hetimet për zbardhjen e motivit dhe rrethanave të ngjarjes.
