Një 20-vjeçar në qytetin e Korçës ka ndërruar jetë në spital. Ngjarja ndodhi mbrëmë. Policia ka dhënë paraditen e sotme informacionet e para. Viktima është Mateo Llabani.
“Mbrëmjen e djeshme, dyshohet se për shkak të një arresti kardiak, ka shkuar në spitalin e Korçës, në gjendje të rëndë shëndetësore, Mateo Llabani 20 vjeç, banues në Bilisht, i cili më pas ka humbur jetën.
Nga këqyrja paraprake e trupit të 20-vjeçarit, nuk janë konstatuar shenja dhune. Pritet ekspertiza mjekoligjore për të përcaktuar shkakun e vdekjes” njofton policia.
Mateo Llabani është ndjerë keq në një lokal në Bilisht dhe për shkak të gjendjes së rënduar u transportua me ambulancë drejt spitalit. Shkak dyshohet mbidozë e lëndëve narkotike.
