Prishi qetësinë publike, duke vënë muzikë të lartë në lokalin që menaxhonte, procedohet penalisht 36-vjeçari. Sekuestrohen pajisjet që gjenerojnë muzikën.
Gjatë kontrolleve, në një lokal në rrugën “Foto Xhavella”, shërbimet e Policisë kanë konstatuar muzikë të lartë që përbënte shqetësim për banorët.
Nisi hetimi në gjendje të lirë për menaxherin e lokalit, L. K., 36 vjeç, banues në Tiranë, për veprën penale “Prishja e qetësisë publike”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
