Një ngjarje e rëndë është regjistruar ditën e sotme në Vilë-Bashtova në Kavajë ku mbetën viktima një baba dhe 2 djemtë e tij të mitur.
Sipas raportimeve nga zona dhe dëshmive të pushuesve që ndodheshin në vendin e ngjarjes ka qenë djali i vogël i 50-vjeçarit, Elvis Halilaj i cili ka qenë duke u mbytur në det dhe babai së bashku me djalin 17-vjeçar janë munduar të shpëtojnë të miturin.
Lot dhe dhimbje! Ky është babai me dy djemtë nga Tirana që u mbytën në Kavajë
Ndërhyrja për të shpëtuar të miturin ishte fatale për babain dhe vëllain e 13-vjeçarit pasi dallgët e detit i përpinë dhe nuk mundën t’ia dilnin për të notuar drejt bregut. Ata nuk mundën të shpëtonin 13-vjeçarin dhe mbetën viktimë që të tre.
Në zonë është vendosur flamuri i kuq ndërsa dëshmitarët janë shprehur se flamuri u vendos vetëm pas ngjarjes së rëndë pasi edhe më para ishte deti me dallgë por nuk ishte marrë asnjë masë.
Vjen njoftimi i policisë: Si u mbyt babai me dy fëmijët në Kavajë?
Dëshmitarët gjithashtu janë shprehur se ambulanca u vonua për të arritur në vendngjarje pasi kishte shanse për të shpëtuar 2 persona pasi njëri prej tyre është nxjerrë i vdekur nga uji.
Një pushues tjetër u shpreh se policia nuk mundi të ndërhynte pasi makina nuk futej dot në pjesën e rërës.
Tragjedi në Shqipëri/ Mbytet në det babai me dy djemtë e mitur
Të gjithë këto rrethana dhe mungesa e një roje bregdetare sollën që një ditë normale plazhi për familjen Halilaj të kthehej në tragjedi.
