Prej orëve të para të paradites Edi Rama ndodhet në vilën qeveritare pranë Kuvendit të Shqipërisë. Të pranishëm janë Taulant Balla, Damian Gjiknuri, Ulsi Manja dhe Engjëll Agaçi. Temat e diskutimit janë disa. Vendimi dhe qëndrimi për Arben Ahmetajn.
SPAK kërkoi autorizim për arrestimin e tij. Partia Socialiste nuk pritet që ta mbrojë. Këtë e paralajmëroi edhe Toni Gogu në komisionin e Ligjeve.
Sigurisht që deputeti socialist nuk foli me kokën e tij, por ishte qëndrim që erdhi si rrjedhim i diskutimeve brenda grupit në mëngjes.
Së dyti detyrat për Taulant Ballën si ministër i Brendshëm. Dekreti arriti mesditën e sotme në Presidencë. Do të vendoset emri pasuesit të Ballës në krye të grupit.
Nuk përjashtohet mundësia që detyrën e kryetarit të grupit ta mbajë sekretari i përgjithshëm Damian Gjiknuri, sikur Balla i ka mbajtur më parë dy postet më parë.
Një tjetër emër nga PS pritet që të vendoset kryetar i delegacionit të parlamentit të Shqipërisë në PE, si dhe zëvendës Kryetar i Këshillit Kombëtar të Integrimit, poste që deri tani i ka mbajtur Balla.
