Marinela Bouzo, juristja 27-vjeçarja shqiptare që u zhvendos nga Shqipëria në Greqi për t’i shpëtuar luftës së Kosovës e tashmë prej disa vitesh e vendosur në Anglin, në një rrëfim për mediat atje, i është kundërpërgjigjur deklaratave të Suella Braverman për shqiptarët.
Bouzo, e cila jeton në Manchester, thotë se shumica e shqiptarëve janë individë punëtorë që kontribuojnë pozitivisht në shoqëri.
“Pavarësisht nëse vjen nga Suella Braverman apo dikush tjetër, është e rëndësishme të mos përgjithësohet një grup i tërë njerëzish bazuar në veprimet e disa individëve.
Ndërsa në përgjithësi përvojat e mia në Angli kanë qenë pozitive, kam pasur komente aty-këtu, dhe disa njerëz ende gjykojnë negativisht kur u them se familja ime është shqiptare.
Ka edhe familje që përpiqen për një jetë më të mirë, duke kërkuar punësim dhe mundësi në Mbretërinë e Bashkuar, sepse vendit të tyre i mungojnë rrugët për rritje.
Ne nuk jemi të gjithë kriminelë, por ndonjëherë na trajtojnë si ata,” ka thënë Marinela.
