Deputetja e Partisë Demokratike Jorida Tabaku ka reaguar përmes një postimi në rrjetet sociale në lidhje me hetimin për aferën e inceneratorëve, duke shkruar në shkroi Facebook se në dosjen për hetimet për inceneratorët, vëren manualin e një shteti të kapur e se afera e inceneratorëve u ka kushtuar shqiptarëve 430 mln euro.
Tabaku thotë se sot mazhoranca që po përpiqet që të përfitojë nga gjoja mbështetja për Reformën në Drejtësi, qe e para që gjithashtu sulmoi dhe pengoi hetimin parlamentar për aferën e inceneratorëve.
Ajo theksoi se sot më shumë se kurrë nevoja e shqiptarëve është të bashkohen drejt një opozite e cila nuk është më perfektja, por që edhe në mungesë të përsosmërisë ka treguar se është e denjë të drejtojë beteja të guximshme që kanë arritur deri këtu dhe me gjasë edhe më shumë.
