Zyra e delegacionit të BE-së në Tiranë konfirmoi sot për “5Pyetjet.al” pezullimin e përkohshëm të programit “IPARD” për sektorin bujqësor për shkak të hetimeve për korrupsion nga Brukseli.
Por çfarë mendon qeveria shqiptare për këtë? Gazetarët pyetën ministren Evis Kushi në fund të mbledhjes nëse ishte diskutuar sot në Këshillin e Ministrave? Por Kushi, u tha gazetarëve që të pyesin ministren e Bujqësisë, Krifca.
“Sot jam këtu për vendimin që sapo prezantova, ministrja e Bujqësisë mund të jetë më e gatshme t’i përgjigjet kësaj pyetje që edhe ju të keni një përgjigje më të saktë dhe më të plotë” tha ajo.
E kontaktuar nga “5Pyetjet.al” zyra që përfaqëson Brukselin në Tiranë tha se kjo është një masë parandaluese për të mbrojtur fondet e BE-së. Rreziku është që jo vetëm që të humben fondet e “IPARD II”, por edhe të “IPARD III”.
BE për “5Pyetjet.al”: Ka korrupsion! Kemi ndërprerë fondet për bujqësinë në Shqipëri
